2 na ang patay sa insidente ng pamamaril sa poling center sa California

Dalawa na ang nasawi kabilang ang suspek habang malubhang nasugatan ang dalawang iba pa sa insidente ng pamamaril malapit sa dalawang polling center sa Azusa, California.

Ayon kay Los Angeles County Sheriff Lt. John Corina, walang kinalaman sa eleksyon ang naganap na pamamaril.

Nagkataon lang aniya na naganap ito sa kalsada malapit sa botohan at sa isang elementary school na ginagamit ding polling site.

Isa ang nasawi sa nasabing pamamaril, habang ang gunman na hindi pa nakikilala ay natagpuang patay din sa isang bahay sa lugar.

Dahil sa nasabing insidente, ang mga botante doon ay pinalipat sa ibang kalapit na polling places kung saan maari silang makaboto.