Sen. Kiko Pangilinan, bagong acting president ng Liberal Party

Itinalaga si Senador Francis ‘Kiko’ Pangilinan bilang acting president ng Liberal Party o LP.

Pinalitan ni Pangilinan bilang pangulo ng LP si dating Department of Transportation and Communications o DOTC Secretary Joseph Emilio Abaya.

Bago ma-appoint bilang acting LP president, si Pangilinan ay ang vice president ng partido.

Ayon kay Pangilinan, malugod niyang tinatanggap ang bagong pwesto at tungkulin na kaakibat nito.

Ang partido Liberal ay ang administration party noong nasa termino pa si dating Pangulong Noynoy Aquino.