Clinton at Trump may kanya-kanyang gimik sa mga huling araw ng kampanya
Sinimulan na nina US presidential bets Hillary Clinton at Donald Trump ang huling bahagi ng kanilang campaign trail sa iba’t ibang bahagi ng Estados Unidos.
Nilibot ni Clinton ang mga matataong lugar sa U.S upang paigtingin ang lakas ng mga taga-suporta partikular sa mga kababaihan, Hispanic, African-American at minority supporters habang tumutok naman si Trump sa small-town America upang hikayatin ang mga puti at working-class voters na aniya’y makakapanalo sa kaniya.
Kasama ang Democratic parties, bumisita si Clinton sa urban centers sa Detroit, Pittsburgh at Cleveland at ikinampaniya naman siya ni President Barack Obama sa Charlotte, North Carolina kung saan hindi pa tiyak ang mga boto.
Umikot naman ang kampo ni Trump sa bahagi ng rural areas sa Atkinson, New Hampsire at Wilington, Ohio kung saan karamihan sa mga naninirahan ay puti at nangako pang bubuhayin ang tinawag niyang ‘lost America’.
Kanya-kanya namang buwelta ang dalawang kandidato laban sa isa’t isa sa kanilang pangangampanya.
Batay sa parehong panig, hindi pa tiyak ang kasiguraduhan ng pagkapanalo ng isa sa kanila dahil sa magkalapit na resutla ng mga survey.
Ang eleksyon sa U.S ag gaganapin sa November 8.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.