EO para sa inclusive Bangsamoro Transition Commission, lalagdaan ni Pangulong Duterte
Isang executive order para sa mas inclusive na Bangsamoro Transition Commission (BTC) ang lalagdaan ni Pangulong Rodrigo Duterte.
Ayon kay Presidential Adviser on the Peace Process Jess Dureza, on-track na ngayon ang peace process matapos makipagpulong si Pangulong Rodrigo Duterte kay Moro National Liberation Front (MNLF) founding Chairman Nur Misuari.
Sinabi pa ni Dureza na sa ngayon, umaasa ang Malacañang na makalulusot sa Kongreso ang Bangsamoro Commission na papalit naman sa Bangsamoro Basic Law.
Mula sa 15, aabot na ngayon sa 21 ang miyembro ng Bangsamoro Commission, at ayon kay Dureza, kabilang dito ang ilang miyembro ng MNLF.
Matatandaang bigong maipasa sa Kongreso ang BBL bago matapos ang termino ni dating Pangulong Benigno Aquino III.
Sa ilalim ng BTC, pagsasamahin ang BBL at ang 1996 peace accord sa MNLF upang makabuo ng bagong panukalang batas na bubuo ng Bangsamoro autonomous region sa Mindanao.
Umaasa naman si Dureza na magagamit nila lahat ng probisyon sa mga nasabing kasunduan upang maisulong ang bagong batas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.