Namataan ang LPA sa layong 185 kilometro ang layo sa silangang bahagi ng Sorsogon City.
Samantala, nauudlot ang pagpasok sa Philippine Area of responsibility (PAR) ng isa sa dalawang bagyong binabantayan ng PAGASA na nasa silangang bahagi ng bansa.
Ito’y dahil hindi halos kumikilos ang naturang bagyo na namataan sa layong 1,400 kilometro sa silangan ng Luzon.
Ayon sa PAGASA, hindi halos kumikilos ang naturang bagyo sa nakalipas na mga oras.
Ito anila ay dahil naaapektuhan ito at hinihila ng isa pang bagyo na kasunod nito.
Dalawang scenario ang nakikitang posibleng mangyari sa kilos ng naturang bagyo.
Una, tuluyan na itong mabigo na makapasok sa PAR at umakyat pa northeast.
Ang ikalawa, ay tahakin nito ang direksyon patungong Visayas region.
Sa ngayon, nagpapatuloy ang pagbabantay ng PAGASA sa naturang bagyo.