Bayaning bumbero ng QC binigyan ng promosyon at medalya
Binigyan ng medalya ni Department of Interior and Local Government Secretary Ismael Sueno ang bayaning bumberong si SFO1 Florencio Azonsa.
Si SFO1 Azonsa ay ilang araw nang nasa Intensive Care Unit ng Chinese General Hospital dahil sa matinding suffocation at sugat na natamo nang sagipin nito ang anim na residente ng Francesca Condominium sa Scout Borromeo South Triangle Quezon City.
Ayon kay QC Fire Marshall Senior Supt. Jesus Fernandez, inakyat ni Azonsa ang ika-walo hanggang ika-12 palapag ng condominium para isa isang ilabas ang mga na-trap na residente kabilang ang isang apat na buwang sanggol.
Sabi ni Fernandez, hindi inisip ni Azonsa ang sariling kapakanan dahil sa gitna ng makapal na usok ay inalis nito ang kanyang breathing apparatus para ipahiram sa na-rescue na mga biktima partikular sa sanggol.
Kanina, bukod sa medalya ng kagalingan binigyan din ng on-the-spot promotion ni Sueno si Azonsa na isa ngayong Senior Fire Officer 2 (SFO2).
Sa ngayon ay nakatakdang sumailalim sa angioplasty isang major heart operation ang magiting na bumbero dahil sa nalanghap nitong usok.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.