Ilang flights, kanselado dahil sa sama ng panahon

Kanselado na ang ilang domestic flights sa Ninoy Aquino International Airport (NAIA) dahil sa sama ng panahon.

Sa abiso ng Manila International Airport Authority (MIAA), kanselado ang flights DG 6041 at 6042 Manila-Busuanga-Manila ng CEBGO.

Ang mga apektadong pasahero ay pinayuhan na makipag-ugnayan sa nasabing airline company para sa rebooking ng kanilang flight.

Sa abiso ng PAGASA, kabilang ang Palawan sa makararanas ng mahina hanggang sa katamtamang pag-ulan ngayong araw.