FVR tiniyak na mananatili siyang kaibigan ng Duterte administration
Si Pangulong Rodrigo Duterto na ang bahalang magpasya kung tatanggapin niya o hindi ang sinasabing resignation ni dating Pangulong Fidel Ramos bilang special envoy sa China.
Ipinaliwanag ni Presidential Spokesman Ernie Abella na si Duterte pa rin naman ang siyang may pinal na desisyon sa nasabing isyu.
Nauna nang sinabi ni Ramos na isinumite niya ang kanyang resignation letter sa Office of the Executive Secretary nang dumating sa bansa ang pangulo mula sa kanyang state visit sa China.
Magugunitang ilang beses na pinuna ng dating pangulo ang estilo ng pamamahala ni Duterte partikular na sa kanyang mga anti-American statement at pagmumura kay U.S President Barrack Obama.
Hindi rin nagustuhan ni Ramos ang pagtanggi ni Duterte na lumagda sa climate change protocol kung saan ay naging kabahagi ang bansa sa ilalim ng dating administrasyon.
Pero tiniyak naman ni Ramos na mananatili siyang kaibigan ng kasalukuyang administrasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.