Ilang flights ngayong Nov. 1, kanselado dahil sa masamang panahon
Kanselado ang ilang flights dahil sa masamang panahon ngayong araw, November 01 o All Saint’s Day.
Sa advisory ng Manila International Airport Authority o MIAA, kabilang sa cancelled flights ay mga biyahe ng PAL express na 2P 2079 o Manila-Catarman at 2P 2080 o Catarman-Manila.
Nakansela na rin ang mga flight na 2P 2084 o Manila-Basco at 2P 2085 o Basco-Manila
Pinayuhan naman ng MIAA ang mga pasahero, lalo na ang mga babalik sa Metro Manila, na antabayanan ang iba pang advisory sakaling magkaroon ng karagdagang makakanselang flights.
Nauna nang sinabi ng PAGASA na makararanas ng maulap at “light to moderate rain and thunderstorms” ang Visayas, Mindanao, Bicol region, Mimaropa, at Calabarzon dahil sa Intertropical Convergence Zone o ITCZ.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.