Twitter, magbabawas ng halos 4,000 empleyado dahil sa pagkalugi
Nagbabawas ng mga empleyado ang micro-blogging site na Twitter sa kanilang mga tanggapan sa buong mundo matapos itong makaranas ng pagkalugi.
Aabot sa hanggang siyam na porsiyento o halos apat na libong empleyado ang sinibak ng social media company at posible pa itong madagdagan.
Ito ay kung patuloy na malulugi ang kumpanya at mabibigong makahanap ng buyer.
Sa kasalukuyan, hindi pa rin makasabay sa kita ang Twitter sa kanyang mga karibal na Facebook, Snapchat at Instagram.
Nitong nakalipas na buwan lamang bumagsak ng 27 porsiyento ang shares ng Twitter sa sotckmarket bago ito makabawi ng bahagya kahapon.
Maraming mga celebrities, mamamahayag at mga pulitiko sa buong mundo ang gumagamit ng Twitter.
Gayunman, hindi tulad ng Facebook at iba pang social media sites, nahihirapan itong makakuha ng mas malawak na audience sa mga ordinaryong mamamayan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.