Negative drug test result ipinagyabang ni Trillanes
Inilabas ni Sen. Antonio Trillanes IV ang resulta ng kanyang drug test sa isang pribadong ospital.
Sa kanyang twitter account, ipinost ng senador ang resulta ng kanyang screening drug test report mula sa The Medical City na may petsang October 24, 2016.
Sa naturang report, pawang negatibo sa paggamit ng anuman droga ang senador kasama na ang shabu, ecstasy, marijuana, cocaine at iba pa.
Magugunita na una nang hinamon ni Trillanes si presidential son and Davao City Vice Mayor Paolo Duterte na sila ay magpa drug test base sa alegasyon ni self- confessed Davao Death Squad hitman Edgar Matobato na ito ay gumagamit ng droga.
Mariin naman itinanggi ni Duterte ang alegasyon at sinabi na isang baliw si Matobato.
Kasunod nito ibinunyag ni Duterte na may isang senador na gumagamit ng cocaine na hindi naman niya pinangalanan.
Samantala, ang drug test result ni Trillanes ay pirmado ni Dr. Gregorio Cortez III, isang pathologist at ng medical technologist na si Evangeline Aguinaldo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.