Patay ang dalawang lalaki makaraang makipagbarilan umano sa mga pulis sa Brgy. 160, Baesa, Calocan City pasado alas 4:00 ng madaling.
Unang rumesponde sa crime scene ang pinuno ng Women’s and Children’s Desk ng barangay na si Nimfa Barbosa.
Ayon kay Barbosa, nagsusugal lamang sa lugar ang mga biktima na sina Crispen Santos, 31-anyos at Daniel Padilla 20-anyos.
Pero maliban sa pagsusugal, may mga pahayag din umano ang ilang residente sa lugar gumagamit sila ng ipinagbabawal na gamot.
Nasaksikhan naman mismi ng taxi driver na si Ruben De Guzman ang engkwentro dahil nangyari ito sa harapan lang ng kaniyang bahay.
Ayon kay De Guzman, mga pulis ang bumaril sa dalawang biktima.
Hindi rin aniya totoong nakipagbarilan ang mga ito dahil sila ay tumatakbo at akmang susuko na.
Kaya niya umanong patunayan na hindi nanlaban o nakipagbarilan ang dalawa dahil nasa itaas siya na bahagi ng kanilang bahay at kitang-kita niya ang pangyayari.
Ani Barbosa, madalas mamataan sa lugar ang dalawa na nagsusugal.