Mga pananim sa Sorsogon, apektado ng ashfall

Naapektuhan ng ashfall mula sa pag-aalburuto ng Mt. Bulusan ang mga panananim sa ilang bayan sa Sorsogon.

Ang ashfall ay dulot ng sunud-sunod na phreatic explosion na naitatala sa bulkan kung saan ang pinakahuli ay noong Linggo ng hapon.

Sa Casiguran, nabalutan na ng aboa ng mga pananim na gulay gayundin ang mga damo na nagsisilbing pagkain ng mga alagang hayop.

Marami naman sa mga residente sa nasabing bayan ang nagsuot na ng face masks bilang proteksyon sa kalusugan.

Matapos ang ikaapat na phreatic explosion na naitala noong Linggo sa bulkan, nagtaas na ng blue alert ang provincial disaster response unit sa Sorsogon.