Retiradong Hapones, pinasabog ang sarili patay, 3 pa sugatan
Isang retiradong sundalong Hapones na nagpatiwakal sa pamamagitan ng pagpapasabog sa kanyang sarili ang naging ugat ng dalawang pagsabog sa bayan ng Utsonomiya, kapitolyo ng Tochigi prefecture sa Japan, Linggo ng hapon.
Ito ang lumilitaw sa mga imbestigasyon ng mga otoridad sa dalawang pagsabog sa isang parke sa naturang lugar kung saan isa ang napaulat na namatay at talo ang nasugatan.
Ayon sa ulat, sinunog muna ng 72-anyos na dating military officer ang kanyang bahay, bago nito pinasabog ang kanyang kotse sa isang car park at pinasabog ang sarili sa insidente ng suicide.
Sa naturang pagsabog, nasaktan ang tatlo katao kabilang na ang isang 14-anyos na lalake.
Natagpuan umano sa katawan ng biktima ang isang sunog na suicide note at pangalan ng biktima.
Dahil sa insidente ng magkasunod na pagsabog, naalarma ang mga residente na nakatira malapit sa parke.
Napilitan ring kanselahin ng lokal na pamahalaan ang isang kapistahan na gaganapin sa sana sa lugar sanhi ng insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.