Super typhoon ‘Lawin’, napanatili ang bilis at lakas kahit nag-landfall na
Napanatili ng super bagyong “Lawin” ang lakas nito matapos mag-landfall sa Penablanca, Cagayan kanina at ngayo’y tumatawid sa lalawigan ng Apayao.
As of 2AM, namataan ang sentro ng bagyo sa boundary ng Rizal, Cagayan at Conner, Apayao.
May taglay na lakas ng hangin na aabot sa 225 kilometers per hour at pagbugso na 315 kilometers per hour.
May bilis naman itong 25 kilometers per hour habang tinatahak pa rin ang direksyong West Northwest.
Heavy hanggang intense na pag-ulan ang mararanasan sa mga lugar na nasasakop ng 400 kilometer diameter ng super bagyo, habang moderate to heavy rains naman ang mararanasan sa iba pang mga lugar.
Inaasahang lalabas ito sa landmass mamayang alas-8:00 hanggang alas-10 ng umaga, habang inaasahan naman itong lalabas ng Philippine Area of Responsibility (PAR) mamayang gabi.
Nakataas pa rin ang Tropical Cyclone Warning Signal No. 5 sa Cagayan, Northern Isabela, Apayao, Northern Kalinga Northern Abra at Ilocos Norte.
Signal No. 4 naman sa iba pang bahagi ng Isabela, nalalabing bahagi ng Abra, Ilocos Sur, Mt. Province, Rest of Kalinga, Ifugao at Calayan Group of Islands.
Signal No. 3 naman sa La Union, Benguet, Nueva Vizcaya, Quirino at Northern Aurora.
Signal No. 2 sa Batanes Group of Islands, Pangasinan, nalalabing bahagi ng Aurora, Tarlac, Nueva Ecija at Northern Zambales.
Signal No. 1 sa nalalabing bahagi ng Zambales, Bulacan, Bataan, Pampanga, Rizal, Quezon Province including Polillo Island, Cavite, Laguna, Batangas, Camarines Norte, Camarines Sur, Catanduanes, at Metro Manila.
Samantala, inialis naman na ang Tropical Cyclone Warning Signal sa Albay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.