Planong war games sa China at Russia, ipinaubaya ng Palasyo sa DND at DFA
Ibinigay na ng Palasyo ng Malacañang sa kamay ng Department of National Defense (DND) at Department of Foreign Affairs (DFA) ang paglalatag ng planong war games ni Pangulong Rodrigo Duterte kasama ang China at Russia.
Ayon kay Communications Assistant Secretary Marie Banaag, kung interesado ang Pangulo at sakaling maisulong ang diplomatikong usapin ukol dito, DFA at DND na ang tamang kagawaran na dapat mag-asikaso nito.
Sa isang panayam, sinabi ni Pangulong Duterte na seryoso siya sa pagsasagawa ng military drills kasama ang China at Russia.
Aniya pa, nabigyan na ng sapat na panahon ang mga Amerikano para makipaglaro sa mga sundalong Pilipino.
Inulit rin niya ang nauna na niyang sinabi na ang huling military drills ng mga sundalong Pilipino kasama ang mga tropang Amerikano kamakailan ay ang magiging huli na sa loob ng kaniyang termino.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.