Lalakeng nagbibisikleta, patay sa pamamaril sa Pasig
Patay ang isang lalaki matapos na pagbabarilin ng riding in tandem sa Rayos Compound Corner Bernal St., Rosario, Pasig kaninang alas-6:00 ng gabi.
nakasuot ng maong na pantalon at kulay gray na tshirt ang biktima na kilala sa lugar sa alyas na Edgar na tinatayang nasa edad na 50-55 na taong gulang.
Ayon sa mga saksi dalawang riding in tandem ang bumaril sa biktima habang nagbi-bisikleta sa lugar.
Apat na putok ng baril ang narinig bago matagpuang nakabulagta ang biktima.
Dagdag pa ng mga kapitbahay, kamakalawa lamang ng gabi ay may kaparehong dalawang motor ang umaaligid bahay ng biktima bago ito binaril kanina.
Inaalam pa ng Pasig police kung may kinalaman sa bawal na gamot ang pagpatay, lalo na at kilala si Edgar noon na sangkot sa iligal na droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.