Ombudsman aminadong wala pang kaso laban kay de Lima
Wala pang balak ang Office of the Ombudsman na pa-imbestigahan si Senador Leila de Lima.
Ayon kay Ombudsman Conchita Carpio-Morales, wala pa silang nakikitang malinaw na lead para magsagawa ng moto proprio na imbestigasyon sa mambabatas patungkol sa umanoy pagkakasangkot nito sa drug trade sa New Bilibid Prisons.
Bukod aniya sa maituturing na alegasyon pa lamang ang mga ibinibintang sa senadora , mayroong din isinasagawang pagsisiyasat ang Department of Justice sa dalawang criminal cases na isinampa ng Volunteers Against Crime and Corruption at nina dating NBI Deputy Directors sina Ruel Lasala at Reynaldo Esmeralda.
Samantala, inaasahan ni Morales na ibibigay ng 5-prosecutor investigation panel ng DOJ ang resulta ng kanilang imbestigasyon sa Ombudsman na siyang may hurisdiskyon sa nasabing kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.