Nag-lunsad na ng search and rescue operations ang mga otoridad upang mahanap ang tatlong mangingisdang nawawala sa bayan ng Viga sa Catanduanes mula noong Sabado ng gabi.
Ayon sa report ng Catanduanes Provincial Disaster Risk Reduction Management Council (PDRRMC), pinaghahanap nila ang mga mangingisdang nakilalang sina Zaldy de Jesus at Luis Tupig na taga-Brgy. Buenavista at si Rene del Valle ng Brgy. Tambongon ng bayan ng Viga.
Samantala, kinilala na ng otoridad ang isang bangkay ang natagpuan naman sa dalampasigan ng Brgy. Pananaogan sa bayan ng Bato noong Sabado ng umaga.
Napag-alaman ng mga kinauukulan na ito ay si Rene Magtangob ng Brgy. Tigbao sa Virac na unang napaulat na nawawala matapos subuking tumawid sa Inagasan creek, ngunit natangay siya ng agos ng tubig dahil sa lakas ng ulan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.