Tubig sa La Mesa Dam, nanganganib na umabot na rin sa spilling level

Malapit na rin umabot sa spilling level ang tubig sa La Mesa Dam bunsod ng bagyong Karen.

Batay sa ulat, kaninang alas otso ng umaga ay tumaas na sa 79.34 meters above sea level ang water level ng La Mesa Dam.

Malapit na ito sa 80.15 meters na spilling level.

Sakaling magpatuloy ang pagtaas at umabot sa spilling level, posibleng maapektuhan ng pag-apaw ng tubig ang mga lungsod ng Quezon, Malabon at Valenzuela.

Ang La Mesa Dam ay bahagi ng Angat-Ipo-La Mesa water system na nagsusuplay ng tubig sa Metro Manila.