Iba’t ibang uri ng solar powered vehicles inilunsad ng LTO
Nagkaisa ang Land Transportation Office at iba’t ibang transport group sa paglulunsad at paggamit ng solar electric vehicle bilang alternatibong sasakyan sa bansa.
Pinangunahan ng Liga ng Transportasyon at Operatos sa Pilipinas (LTOP) ang paglagda sa memorandum of agreement sa tanggapan ng LTO.
Ayon kay LTOP National President Orlando Marquez, ang solar electric vehicle ay hindi na kinakailangan na gunamit ng diesel o gasolina at maliit lamang ang gastos sa maintenance sa makina nito.
Tanging solar power lamang ang gagamiting source ng enerhiyang magpapandar sa naturang sasakyan.
Ayon kay Marquez, ang Australian national na si Jacob Miamon ang nagdesenyo ng solar electric vehicle.
Available na rin umano ang solar jeepney, tricycle, bus at motorsiko na ayon kay Marquez ay malaking tulong din sa kalikasan dahil wala itong noise at air pollution na ibubuga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.