DILG, pinaiimbestigahan sa PNP ang mga isiniwalat ni Jaybee Sebastian ukol sa ‘ninja cops’

Inatasan na ni Interior and Local Government Secretary Mike Sueno ang pamunuan ng Pambansang Pulisya na imbestigahan ang mga ibinunyag sa Congressional probe ng convict na si Jaybee Sebastian kung saan marami pa ring mga pulis na nasa active service ang protektor ng iligal na droga.

Ayon kay Sueno, nagpadala na siya ng komunikasyon kay PNP chief Director Gen. Ronald Dela Rosa hinggil sa kaniyang direktiba.

Aniya, seryoso sila na malinis ang hanay ng PNP laban sa mga ‘ninja cops’ at mga narco generals.

Ibinunyag din ni Sueno na may listahan na sila ng mga pulis na isinasangkot sa iligal na droga at may mga hakbang na silang ginagawa para tugunan ang nasabing problema.