Big time oil price hike ipatutupad bukas

Magpapatupad ng malaking dagdag sa presyo ng produktong petrolyo ang mga kumpanya ng langis bukas, araw ng Martes.

Mahigit piso ang inaasahang madaragdag sa halaga ng kada litro ng diesel at kerosene.

Ang presyo ng diesel at kerosene ay inaasahang madaragdagan ng P1.50 hanggang P1.60 kada litro.

Habang dagdag na 75 hanggang 90 centavos naman ang inaasahang dagdag sa presyo ng kada litro ng gasolina.

Paggalaw sa presyo ng produktong petrolyo sa pandaigdigang pamilihan ang dahilan ng dagdag sa halaga ng langis.