Mga suspek sa Davao bombing, magsusumite ng counter affidavit sa susunod na linggo
Magsusumite ng counter affidavit ang tatlong nahuling miyembro ng Maute group na mga suspek sa davao city bombing.
Kasunod ito ng pagsasampa kagabi ng AFP at PNP ng kasong illegal posession of explosives sa tatlo kaugnay ng pambombomba sa Roxas night market noong september 2 na ikinamatay ng 15 katao at pagkasugat ng 69 na iba pa.
Ang abogado ng mga supek na sina TJ Tagadaya Macabalang, Wendel Apostol Facturan at Musali Mustapha ay magsusumite ng kanilang sagot sa kinakaharap nitong kaso sa DOJ sa darating na Miyerkules, October 12, 2016 sa ganap na alas dos ng hapon.
Ang tatlo ay nahuli sa isang check point sa Cotabato City noong october 4 kung saan ito nahulihan ng mga materyales sa paggawa ng improvised explosives device (ied).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.