Dating aide ni De Lima, Vicente Sy, Lt. Col. Marcelino, tetestigo sa Bilibid house probe
Isang dating security aide ni Senator Leila de Lima, high-profile inmate, Marine Lt. Col. Ferdinand Marcelino at opisyal ng National Bureau of Investigation (NBI) ang sasalang ngayong araw sa pagpapatuloy ng pagdinig ng kamara kaugnay sa drug trade sa New Bilibid Prison (NBP).
Ayon kay Department of Justice (DOJ) Secretary Vitaliano Aguirre II, si Joenel Sanchez ay magbibigay ng testimonya at kabilang sa kukumpirmahin nito ang relasyon ng senadora at ng driver niyang si Ronie Dayan.
Isang intelligence officer din ng Criminal Investigation and Detection Group (CIDG) ang nakatakdang magsalita laban sa senadora.
Ani Aguirre, mahalagang ma-establish o mapatunayan ang pagkakaroon ng relasyon ni De Lima at Dayan dahil ito ang makapagpapaliwanag kung paanong nakakalabas-masok si Dayan sa NBP at nakakakulekta ng pera sa mga high-profile inmates.
Nabanggit na umano ni Sanchez kay Aguirren na napanood na niya ang dalawang sinasabing sex video ni De Lima at Dayan sa mismong cellphone ni Dayan.
Isa ring preso ng NBP ang nakatakdang tumestigo para ilahad kung paanong itinago umano ni De Lima ang P300 million na cash at mga alahas na nasabat ng National Bureau of Investigation (NBI) sa isinagawang raid sa Bilibid noong December 2014.
Sa kabuuan, labingtatlo ang inaasahang tetestigo ngayong araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.