Bagyong Julian lumakas pa, tatama sa kalupaan ng Batanes
Lalo pang lumakas ang bagyong Julian habang tinatahak ang Balintang Channel.
Ang tropical storm Julian ay huling namataan sa layong 60 kilometers South Southeast ng Basco Batanes.
Taglay na nito ngayon ang lakas ng hanging aabot sa 85 kilometers per hour at pagbugsong aabot sa 120 kilometers per hour.
Kumikilos ang bagyo sa bilis na 22 kilometers per hour sa direksyong pa-Kanluran.
Ayon sa PAGASA tatama sa kalupaan ng Batanes ang bagyo anomang oras.
Nakataas pa rin ang public storm warning signal number 2 sa Batanes at Babuyan Group of Islands. Nagbabala ang PAGASA ng posibleng pagkakaroon ng storm surge sa baybaying dagat sa dalawang isla.
Habang signal number 1 sa Northern Cagayan, Apayao at Ilocos Norte.
Ayon sa PAGASA, mamayang hapon ay inaasahang lalabas ng Philippine Area of Responsibility ang bagyong Julian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.