Google, inilunsad ang bagong Pixel Phone, may unlimited storage

Naglabas ng sarili nilang cellphone ang Google na tinawag nilang “Pixel”.

Ayon sa Google, ang Pixel phone ay may halagang $649 o katumbas ng mahigit P31,000.

Ang Pixel phone ang isa sa may pinakamataas na quality ng camera, may dalawang sizes na 5 inch at 5.5 inch.

Pagmamalaki pa ng Google, unlimited ang storage ng Pixel phone at kaya nitong makapag-save ng libu-libong larawan at videos.

Isa pa sa feature ng Pixel phone ang maiksing charging time nito na 15-minutes lamang para sa battery life na pitong oras.

Mayroon din itong “Google Assistant” na maaring utusan ng phone user gaya ng pagpapatugtog ng music, pagbubukas ng photos at iba pa.