POEA Admin Hans Leo Cacdac, itinalagang bagong OWWA Administrator
Itinalaga bilang bagong administrator ng Overseas Workers Welfare Administrator (OWWA) si Hans Leo Cacdac.
Papalitan ni Cacdac si dating OWWA administrator Rebecca Calzado na malilipat naman sa Technical Education and Skills Development Authority (TESDA).
Ang pagtalaga kay Cacdac bilang bagong OWWA administrator ay inanunsyo ni Department of Labor and Employment Sec. Silvestre Bello III sa ipinatawag na press conference hinggil sa accomplishment reports ng kagarawan kaugnay sa nalalapit na unang 100 araw ng Duterte Administration.
Si Cacdac ay nanilbihan bilang POEA administrator mula pa noong 2012 sa panahon ni dating Pangulong Benigno Aquino III.
Samantala papalit naman kay Cacdac bilang POEA administrator si Atty. Claro Arellano na kasalukuyang prosecutor general ng Department of Justice (DOJ).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.