Inihayag ni Senador Leila De Lima na “serious offense” ang akusasyon ni Senador Richard Gordon na siya ay nagtago ng impormasyon ukol sa kasong kidnapping laban kay self-confessed Davao Death Squad o DDS member Edgar Matobato.
Dahil dito, nais ni De Lima na humingi sa kaniya ng paumanhin si Gordon.
“I take serious offense to such unfair insinuations and I demand an apology for the false accusations,” ayon kay De Lima.
Sa kabila nito, inirerespeto pa rin daw ni De Lima ang kanyang mga kapwa senador.
Sa pagdinig ng senado kagabi, inakusahan ni Gordon si De Lima ng “material concealment” sa hindi pagsiwalat ng kasong kidnap for ransom ni Matobato.
Giit ni De Lima, hindi na ito dapat isiwalat dahil inamin naman mismo ni Matobato sa pagdinig ng senado noong September 15 ang isyu.
Aminado naman si De Lima na bilang mga senador, responsibilidad nila sa taumbayan na ayusin at pag-usapan ang mga hindi nila pagkakasundo at pagkakaunawaan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.