FHM models, kliyente ni Krista Miller sa shabu
Si Krista Miller umano ang supplier ng shabu ng dalawang FHM models na nauna nang naaresto ng mga tauhan ng Quezon City Police District (QCPD).
Bago ang pagkakadakip kay Miller o Kristalyn Engle sa totoong buhay, Linggo ng umaga, nauna nang nadakip ang dalawang umano’y kliyente ng aktres na sina Liaa Alelin Bolla at Jeramie Padolina.
Sina Bolla at Padolina ay kapwa modelo ng FHM magazine at nadakip sa Project 4 sa Quezon City kamakailan.
Bilang bahagi ng follow-up operation, sinabi ni QCPD Director Sr. Supt. Guillermo Eleazar na nagsagawa sila ng operasyon kay Miller.
Nadakip si Miller kasama ang isang Aaron Medina sa Gen. T. De Leon St. Santolan Rd., Brgy. Gen. T. De Leon, Valenzuela City.
see story here: Aktres na si Krista Miller, dalawa pang modelo, arestado sa anti-illegal drug operation ng QCPD – DZIQ Radyo Inquirer 990AM
Nagsagawa ng isang drug buy-bust operation ang mga otoridad na nagresulta sa pagkakadakip ng 26-anyos na aktres.
Nakuha kay Miller at kasama nito ang isang plastic sachet ng shabu, motorsiklo at mga marked money.
Sinabi ni Eleazar na matagal na rin nilang sinusubaybayan si Miller dahil sa pagkakasangkot nito sa iligal na droga.
Sa ngayon ayon kay Eleazar, inaalam na nila kung sino-sino pa ang pinagbebentahan ni Miller pero posible anya na ito rin ang nagsusuplay ng droga sa kapwa niya artista.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.