Sa halip na sa araw ng Huwebes o sa July 30, ay pinalawig ng Korte Suprema ang panahon ng paghahain ng application ng mga gustong kumuha ng Bar Exam ngayong taon.
Sinabi ni Supreme Court Public Information Office chief Atty. Theodore Te na inaprubahan ng Korte ang rekomendasyon ni Associate Justice Teresita Leonardo de Castro na siyang pinuno ng 2015 Bar Exams Committee na gawing hanggang sa Agosto 3, ang filing ng application.
Ang pagpapalawig ay bunga ng inaasahang magiging epekto ng Metrowide Earthquake drill sa Huwebes, July 31 kung saan lalahok ang mga tanggapan sa Korte Suprema.
Dahil dito, bukas aniya ang Office of the Bar Confidant sa Sabado at Linggo, August 1 at 2, mula 8:00 AM hanggang 3:00 ang hapon para tumanggap ng mga hahabol para maghahain ng aplikasyon. / Ricky Brozas
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.