Ayon kay City Public Information Officer Mar Jimenez, binago ng munisipyo ang nasabing traffic scheme at magsisimula na ito mula ngayong araw ng Sabado, October 1.
Ani Jimenez, para maging patas sa lahat, inirekomenda nila ang pagpapatupad ng 9 a.m. hanggang 4 p.m. na window period, o iyong mga oras kung kailan maaring gamitin ng mga pribadong sasakyan ang kalsada anuman ang kanilang plaka.
Una kasing inanunsyo ni Mayor Edwin Olivares na mahigpit nilang ipatutupad ang “no-window-period” policy.
Ito ay para mabawasan naman ang mabigat na trapiko sa lungsod kung saan ang kalsada sa kahabaan ng Sucat ay tinawag nang “Little EDSA” dahil sa sobrang trapik.