Tatlong menor de edad ang natagpuang patay ng mga residente sa bayan ng Castillejos, Zambales, kahapon.
Natagpuan ang labi ng mga biktima sa gilid ng kalye sa Barangay Balaybay dakong alas 7:30 ng umaga.
Ayon kay PO3 Ely Dagan ng Castillejos police, nakapiring ang mga mata at nakatali ang mga kamay ng mga biktima nang matagpuan.
Tadtad din ng tama ng bala sa iba’t-ibang bahagi ng katawan ang mga biktima.
Ipinapalagay na umeedad lamang sa pagitan ng 14 hanggang 17 anyos ang mga pinatay na biktima.
Kinumpirma naman ng kaanak ng isa sa mga biktima na menor de edad pa ito.
Dinukot umano ito sa kanilang tahanan noong September 28, bago natagpuang patay kahapon.
Patuloy ang imbestigasyon ng mga otoridad sda krimen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.