Gen. Dela Rosa, pinagbabantaan na rin ng kapwa pulis na sangkot sa drugs
Mayroon na rin umanong pagbabanta sa buhay ni CPNP Ronald Bato dela Rosa mula sa mga kapwa pulis na sangkot sa ilegal na droga at hindi na lang mga pagbabanta mula sa mga druglords.
Ayon kay dela Rosa, nakatatanggap sila ng impormasyon na may heneral na yumaman na umano sa iligal na droga ang ngayon ay nagpopondo para siya ipatumba.
Isang malinaw na patunay nito ay ang mga ikinantang pangalan na mga opisyal ng PNP ng sumukong druglord na si Franz Sabalones.
Paliwanag ni Bato, karamihan umano sa mga pulis na ito ay may kaugnayan umano o mga dating tauhan ni retired Deputy Director General Marcelo Garbo Jr.
Giit ni dela Rosa, pinakikilos na niya ang IAS at CIDG para maimbestigahan ang mga pulis na inginunguso ni Sabalones.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.