Bagyong Helen, napanatili ang lakas; public storm warning signal nakataas sa 3 lugar sa Luzon
Napanatili ng bagyong Helen ang lakas nito habang kumikilos sa Batanes-Taiwan area.
Sa weather bulletin ng PAGASA, ang Typhoon Helen ay huling namataan sa 530 kilometers East ng Basco, Batanes.
Taglay nito ang lakas ng hanging aabot sa 150 kilometers per hour at pagbugsong aabot sa 185 kilometers per hour.
Kumikilos ang bagyo sa bilis na 20 kilometers per hour sa direksyong West Northwest.
Sa ngayon, nakataas pa rin ang public storm warning signal number 2 sa Batanes Group of Islands.
Binalaan ng PAGASA ang mga residente sa nasabing isla hinggil sa posibleng pagkakaroon ng storme surge sa coastal areas.
Nakataas naman ang signal number 1 naman sa Northern Cagayan, kasama ang Babuyan Group of Islands.
Kung hindi mababago ang kilos bukas ng hapon ay inaasahang nasa Taiwan na ang bagyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.