Sabwatan para mapatalsik si Duterte ibinunyag ng NDF

By Jimmy Tamayo September 24, 2016 - 10:41 AM

tiamzon
Inquirer file photo

May nilulutong plano ang ilang miyembro ng militar, mga mayayamang grupo kasama na ang US government para mapatalsik sa pwesto si Pangulong Rodrigo Duterte.

Ito ang ibinunyag ng mga National democratic Front consultants na Benito at Wilma Tiamzon sa isang forum.

Ayon sa mag-asawang Tiamzon maging ang peace talks sa rebeldeng komunista ay gustong idiskaril ng nasabing grupo.

Dagdag pa ni Benito Tiamzon, kahit noong hindi pa pormal na nauupo si Pangulong Duterte ay may mga kinatawan na ng gobyerno ng Amerika ang nagnanais na harangin ang anumang impluwensya ng makakaliwang grupo sa kasalukuyang administrasyon.

Katunayan mayroon anilang mga matataas na opisyal ng Armed Forces of the Philippines at Philippine National Police ang nangangampanya laban sa peace talks.

“Because of this situation, we are hopeful yet vigilant for sudden twists that might occur due to intensified friction between the political factions,” ani Benito.

Ang mag-asawang Tiamzon ay nahaharap sa kasong multiple murder at pansamantalang nakalalaya para sa resumption ng peace negotiation kung saan kasama sila sa mga consultants ng NDF.

TAGS: duterte, NDF, tiamzon, duterte, NDF, tiamzon

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.