Kinumpirma ni outgoing Subic Bay Metropolitan Authority Chairman Roberto Garcia na itinalaga ni Pangulong Rodrigo Duterte si dating Volunteers Against Crime and Corruption Chairman Martin Diño bilang bagong Chairman at Administrator ng SBMA.
Magugunitang si Diño ang tumayong “proxy” ni Duterte sa pagpa-file ng kanyang certifictate of candidacy noong nakalipas na halalan.
Sinabi ni SBMA deputy administrator for legal affairs Randy Escolango na nagpadala na ng kanyang transition team si Diño sa SBMA para sa maayos na turn-over sa sandaling lumabas ang kanyang appointment paper.
Si Diño ay dating chairman ng Baranggay San Antonio sa Quezon City.
Ang kanyang anak na si Liza Diño ay nauna nang itinalaga bilang pinuno ng Film Academy of the Philippines samantalang ang partner ni Liza na si Aiza Seguerra naman ang bagong pinuno ng National Youth Commission.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.