Free WiFi sa NAIA, pinalakas pa

By Dona Domiguez-Cargullo September 23, 2016 - 02:12 PM

Twitter Photo / @LiveSmart
Twitter Photo / @LiveSmart

Bagaman may libreng WiFi na noon pa, mas pinalakas pa ang internet connection sa lahat ng terminal sa Ninoy Aquino International Airport.

Ito ay matapos na ilunsad ngayong araw ng Smart Communications ang paglalagay ng SmartWiFI sa lahat ng apat na mga terminal sa NAIA.

Sa ngayon mayroon nang 1 gigabit per second na WiFi capacity sa lahat ng terminal ng paliparan.

Twitter Photo / @LiveSmart
Twitter Photo / @LiveSmart

Ayon kay PLDT spokesperson Ramon Isberto, kaya nitong serbisyuhan ng mabilis na internet ang nasa 3,000 users ng sabay-sabay.

Sinabi ni Transportation Secretary Arthur Tugade ipinanukala niya noon kay PLDT and Smart chairman Manuel Pangilinan ang paglalagay ng mas malakas na WiFi sa NAIA at agad naman itong pumayag.

Maliban sa NAIA, target din ng pamahalaan na makapaglagay ng libreng WiFi sa lahat ng 23 railroad stations, seaports at airports buong bansa.

Nauna na ring naglagay ng free WiFi ang Smart sa mga paliparan sa Cagayan De Oro, Bacolod, Iloilo, Roxas, Clark, Zamboanga, Laoag, Dumaguete, GenSan at Kalibo.

 

TAGS: Smart WiFi in NAIA, Smart WiFi in NAIA

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.