De Lima, sinisira ang Senado dahil sa pagsira sa Pangulo ayon kay Cayetano
Sinisira umano ni Senator Leila de Lima ang integridad at reputasyon ng Senado dahil sa paggamit nito sa mataas na kapulungan sa pagsira sa imahe ni Pangulong Rodrigo Duterte.
Sa kanyang privilege speech, sinabi ni Senator Alan Peter Cayetano na sa kagustuhan ni De Lima na sirain ang Pangulo ay sinisira rin nito ang Senado.
“Senator De Lima, in her desire to destroy the President, is destroying the integrity and reputation of the Senate,” pahayag ni Cayetano.
Malala pa anya dahil sinisira rin umano ng Senadora ang imahe ng bansa at mga Pilipino sa buong mundo.
Ayon kay Cayetano, ginagamit ni De Lima ang Senate Committee on Justice and Human Rights na kanyang pinamumunuan para sirain si Pangulong Duterte.
Dagdag ng Senador, “Ginagamit kasi ang Committee, not for a factual finding on extrajudicial killings, but to go out after the President.”
Pahayag ito ni Cayetano sa kanyang privilege speech kasunod ng paglutang noong nakarang linggo sa pagdinig ng komite ni De Lima ng self-confessed killer at dating miyembro umano ng Davao Death Squad na si Edgar Matobato.
Habang nagtatalumpati naman si Cayetano ay umalis ng session hall si De Lima at sinabi nitong magdedeliver na lang siya ng privilege speech bukas.
“I cannot stand it so I’m gonna deliver a privilege speech tomorrow instead of confronting him.” “What is destroying the reputation of this country are the killings. it’s not me,” pahayag ni De Lima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.