Dalawang tren ng MRT magkasunod na pumalya; mga pasahero naabala

Dalawang beses na nakararanas ng aberya ang biyahe ng Metro Rail Transit, Lunes ng umaga.

Sa abiso ng MRT, unang nakaranas ng aberya sa bahagi ng Santolan Anapolics Station southbound matapos na isang tren nito ang pumalya alas 8:02 ng umaga.

Pinababa ang mga pasahero ng nasabing tren at pinasakay sa sumunod na tren.

Samantala, dalawang minuto lang ang nakalipas o alas 8:04 ng umaga, nagkaroon din ng train failure sa bahagi naman ng Ortigas Station northbound dahilan para pababain ang mga pasahero ng tren.

Agad din silang pinasakay sa kasunod na tren.