Malakanyang sa mga Pinoy sa New York: “remain calm and vigilant”

 

Pinayuhan ng Malakanyang ang mga Pilipino na nasa New York na manatiling kalmado at vigilant o mapagmatyag, makalipas ang naganap na pagasbog doon na ikinasugat ng dalawampu’t siyam na katao.

Sa isang statement, sinabi ni Presidential Communications Secretary Martin Andanar na nalulungkot ang Malakanyang sa New York explosion.

Ayon kay Andanar, habang nagpapatuloy ang imbestigasyon ay mahigpit namang mino-monitor ng Philippine Consulate General sa New York ang sitwasyon sa lugar, lalo na sa Filipino community.

Ang New York ay isa sa mga lugar sa Estados Unidos kung saan libu-libo ang mga naninirahan o nagta-trabahong Pilipino.