Norweigian na dinukot ng Abu Sayyaf sa Samal Island laya na
Jolo, Sulu – Nakalaya na mula sa pagkakabihag ng Abu Sayyaf ang Norwegian na Kjartan Sekkingstad ayon kay Abu Ramie, tagapagsalita ng Abu Sayyaf.
Nasa kamay na ng Moro National Liberation Front (MNLF) commander ng Barangay Bud Pula, Patikul, Sulu si Sekkingstad pasado alas-tres ng hapon.
Hinihintay na lamang daw na ihatid sa rebeldeng grupo ang P30 Million ransom kapalit ang kalayaan ng dayuhan.
Nauna nang pinakawalan ang girlfriend ni Sekkingstad na si Marites Flor noong Agosto.
Sinabi ni Pangulong Rodrigo Duterte na binayaran na ang Abu Sayyaf P50 Million para sa kalayaan ni Sekkingstad ngunit hindi ito pinakawalan.
Si Sekkingstad ay isa sa apat na taong dinakip ng Abu Sayyaf sa Samal Island, Davao del Norte.
Bago ito, pinugutan ng ulo ang dalawa sa mga dinakip na Canadian nationals na sina John Ridsdel at Robert Hall.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.