Pesteng ‘planthopper’ sumalanta sa mga pananim sa Capiz
Napinsala ng brown planthopper o ‘waya-waya’ ang aabot sa sampung libong ektarya ng palayan sa Capiz.
Ayon sa isang opisyal ng Capiz provincial rice program, hindi bababa sa labing anim na bayan ang apektado ng naturang peste.
Dahil dito, umabot na sa kalahati ng kinikita ng mga magsasaka ang nasayang.
Ayon naman sa International Rice Research Institute, sa una ay nagiging orange-yellow ang kulay ng dahon kapag napinsala ng brown planthopper bago tuluyan itong matuyot.
Ang tawag aniya sa ganitong kondisyon ay hopperburn na kalaunan ay magreresulta sa pagkamatay ng halaman.
Ngayon ay naghahanap na ang Municipal Agriculture Office ng Capiz ng posibleng solusyon sa naturang problema.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.