Isang sundalo ng 71st Infantry Battalion ng Philippine Army ang nasawi nang mapalaban ang kinabibilangan nitong platoon sa humigit kumulang limampung miyembro ng New People’s Army.
Ang naturang tropa ng pamahalaan ay nasa pamumuno ni 1st Lt. Lawrence G. Cresencio.
Naganap ang engkuwentro alas onse singkwenta’y singko kahapon ng umaga, ika-dalawampu’t anim ng Hulyo, sa Sitio Camarin, Barangay Napnapan, Pantukan, Compostela Valley.
Ang namatay ay kinilalang si Private First Class Camlon C. Aliso. Base sa ulat ng militar, patungo ang mga tropa sa sitio upang magsagawa ng peace and development initiatives nang maka-engkwentro ang NPA.
Bandang alas dos ng hapon, o pagkalipas ng dalawang oras ng matinding bakbakan, nang tuluyang nakubkob ng militar ang defensive position ng kaaway./Josephine Jaron Codilla
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.