Sinabi ni Chief Inspector Fernando Reyes, Hepe ng San Nicolas Police Community Precinct, naganap ang insidente sa Angalo Street.
Aniya, rumesponde ang mga tauhan ng Station Anti Illegal Drugs Unit ng MPD Station 11 at Intelligence Unit ng MPD sa lugar base sa impormasyon mula sa isang concerned citizen kaugnay ng nagaganap umanong drug session sa isang bahay.
Ngunit bago pa lang makalapit ang mga pulis sa bahay ay pinaputukan na sila ng isang lalaki at sa kanilang pagganti ay napatay na ang suspek na nakilalang si Ronnie Bucao.
Nakuha sa suspek ang ilang plastic sachets na naglalaman ng hinihinalang shabu, mga drug paraphernalia at isang 38 caliber revolver
Ayon pa kay Reyes, ang napaslang na suspek ay dayo lamang sa lugar at nagtutungo lamang duon para magbenta umano ng droga.