Simbahan Katoliko, kontra sa suspension ng writ of habeas corpus
Naniniwala ang Simbahang Katoliko na hindi na kailangan na suspindihin ang writ of habeas corpus sa pinaigting na kampaniya kontra droga.
Tanong ni Fr. Jerome Secillano, ang Executive Secretary ng CBCP-Permanent Committee on Public Affairs, kung kailangan na isuko ang karapatan pantao para bigyang katuwiran ang nangyayaring war on drugs.
Kaya’t ang paghihimok ni Fr. Secillano sa gobyerno, resolbahin ang problema hindi lang sa mga legal na pamamaraan kundi dapat ito rin ay tama, makatarungan at ethical.
Reaksyon ito ni Fr. Secillano sa binabalak ni Senator Dick Gordon na mabigyan ng emergency power si Pangulong Rodrigo Duterte para lubos na malabanan ang droga sa bansa.
Katuwiran ni Gordon hindi sapat ang Declaration of National Emergency para matapos ang problema sa droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.