Sandiganbayan ipinag-utos sa Kamara na suspindehin si CamSur Rep. L-Ray Villafuerte
Ipinag-utos na ng Sandiganbayan sa Kamara ang pagsuspinde kay Camarines Sur Congressman Luis Raymund F. Villafuerte Jr.
Partikular na inatasan ng Graft Court si House Speaker Pantaleon Alvarez na ipatupad ng 90 day suspension laban kay Villafuerte at hiniling na magsumite rin ng compliance report.
Ang kaso ni Villafuerte ay kaugnay ng pagbili nito ng 5 milyong pisong halaga ng mga petroleum products nang hindi pinadaan sa public bidding noong ito pa ang gobernador ng Camarines Sur.
Nilinaw ng Sandiganbayan na ang suspensyon ay hindi pa kaparusahan kay Villafuerte kundi pagsunod lamang sa anti graft law.
Paliwanag ng Sandiganbayan base sa batas ang sinumang pampublikong opisyal na inaakusahan ng panloloko sa gobyerno ay dapat na suspindihin habang naghihintay ng litigasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.