Pangasinan Rep. Amado Espino sinuspinde ng Sandiganbayan
Sinuspinde ng Sandiganbayan si Pangasinan 5th District Cong. Amado Espino.
Sa 5-pahinang resolusyon ng Sandiganbayan 6th Division, 90-days ang ipinataw na preventive suspensyon sa naturang opisyal.
Ang Kongresista ay nahaharap sa dalawang bilang ng anti-graft charges sa Sandiganbayan.
Ang kaso ay may kaugnayan sa illegal black sand mining case sa Pangasinan noong 2011.
Nauna nang ibinasura ng Anti-Graft Court 6th Division ang Omnibus Motion na inihain ni Espino at iba pang akusado para mabasura ang reklamo.
Pero sa resolusyon ng Korte, may sapat umanong basehan para ituloy ang kaso at iniutos ang pagpapa-aresto sa dating gobernador.
Subalit naging maagap naman si Espino na agad naglagak ng P60,000 piyansa bago pa lumabas ang arrest warrant.
Batay sa impormasyong inihain ng Office of the Ombudsman sa anti-graft court, nagkaroon ng sabwatan ang dating gobernador at board members ng Alexandra Mining at Xypher Builders para maipatupad ang magnetite at mineral extraction activities sa Brgy. Sabangan sa Pangasinan.
Sangkot raw dito ang halagang P10 Million.
Napag-alamang bukod sa hindi accredited ang dalawang kumpanya sa Philippine Contractors Accreditation Board ay wala pa itong clearance mula sa Department of Environment and Natural Resources at business permits
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.