2 importanteng events sa Asean Summit hindi nadaluhan ni Duterte
Bigo si Pangulong Rodrigo Duterte na makadalo sa dalawang malaking pagpupulong sa Association of Southeast Asian Nations (Asean) Summit ngayong araw. I
Ito ay dahil sa hindi umano maganda ang lagay ng kalusugan ng pangulo kung kaya hindi nakasipot sa dalawang summit.
Unang hindi sinipot ng Pangulong Duterte ang Asean-India Summit kung kaya si Foreign Affairs Secretary Perfecto Yasay na lamang ang dumalo.
Sumunod namang hindi nadaluhan ni Pangulong Duterte ang Asean-United States summit kaninang umaga at si Yasay uli ang dumalo.
Sa Asean-US Summit, posible sanang muling makaharap ni Duterte si President Barack Obama.
Matatandaang una nang nagkansela ang U.S ng bilateral talks sa Pilipinas sa sidelines ng Asean Summit matapos batikusin ni Duterte si Obama sa umano’y nagaganap na extra judicial killings sa bansa bunsod ng pinaigting na kampanya kontra sa ilegal na droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.