1 patay makaraang masabugan ng granada sa Army training school
Isinailalim na ngayon sa imbestigasyon ng pamunuan ng Philippine Army ang nangyaring pagsabog sa isang Army Reservist Training School sa General Santos City na ikinamay ng isa at ikinasugat ng siyam na sundalo.
Ayon kay Army spokesperson Col. Benjamin Hao, aalamin nila ang sirkumstansya ng insidente na naganap habang nagsasagawa ng demonstration para sa Explosive Ordnance Reconnaissance Agent training.
Patay sa insidente si T/Sgt. Pablo M Balansag, Philippine Army reservist na tubong Poblacion Alabael, Sarangani Province habang ginagamot pa rin sa ospital ang siyam na sugatang Army reservist
Ayon kay Hao aksidenteng nadetonate ni T/Sgt. Bonifacio Soriano na isa sa mga instructor ang fragmentation grenade habang idinedemonstrate nito ang dismantling ng grenade fuse assembly.
Tiniyak ng Philippine Army na mananagot ang nasa likod ng nasabing kapabayaan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.